12-14-сентябрдин йикъара Россиядин Федерацияда, гьа гьисабдай яз Да­гъустан Республикадани сечкияр кьиле фена. Ругуд шегьерда — Махачкъалада, Буйнакскда, Дагъустандин Огни­да, Каспийскда, Къизлярда, Южно-Су­хокумскда ва 38 районда.

Сиясатдин важиблу мярекатда са миллиондилай виниз сечкичийри иштирак­на. Сечкидин 602 кампания муниципальный  районра хьана (Агъул районда — 10, Ахцегь — 12, Бабаюрт — 14, Ботлих — 14, Буйнакск — 19, Гергебиль — 9, Гумбет — 14,  Гуниб — 18,  Дахадаев — 26, Докъузпара — 7, Казбек — 10, Къайтагъ — 15, Къарабудахкент — 13, Къаякент — 19, Къизилюрт — 10, Къизляр — 20, Къули — 12, Къумтуркъала — 6, Кьурагь — 12, Лак — 19, Леваши — 27, Мегьарамдхуьр — 22, Ногъай — 10, Рутул — 16, Сергокъала — 15, СтIал Сулейманан — 16, Табасаран — 21, Тарумовка -14, Тлярата — 21, Унцукуль — 4, Хасавюрт — 41, Хив — 16, Хунзах — 21, ЦIумада — 23, ЦIунтIи — 6, Чарода — 13, Шамил райондани — 25).

Муниципальный тешкилатрин собранийриз 5990 депутат хкяна. Шегьердин ок­ругрин собранийриз — 149, шегьерринни хуьрерин собранийриз — 5841 кас.

Ахвах, Казбек, Къаякент, Леваши, Тарумовка районрин муниципальный тешкилатрин кьилерни хкяна.

Сечкийра депутатвиле 9179 кандидатди ва сечкидин 10 объединениди иштиракна. Виликамаз кьунвай делилралди, 12,­ 13,14-сентябрдин йикъара сечкийрин участокра 74,51 процент сечкичийри сесер гана.

Абад Азадов