Дагъустанда республикадин «Доблесть гор» программадин иштиракчий­риз чир­вилер гудай сад лагьай модуль­ кардик акатнава. Ам ачухуниз талукьарнавай мярекатда РД-дин Кьил Сергей Меликова иштиракна.

Модулдин сергьятра аваз, иштиракчийри государстводин сиясатдин ва идара авунин къурулушдин месэлаяр чирда. Программа кьилиз акъудунал РАНХиГС-дин государстводин управленидин высший школа машгъул жеда. Иштиракчийрихъ галаз тежриба авай пешекарри, насигьатчийри кIвалахда.

Виликамаз кьиле тухвай тестерин нетижада государстводин ва муниципалитетдин управленидин хиле чпин пешекарвал хкаждай 35 кас тайинарнава. Идалай гъейри, 62 иштиракчи программадин резервдик кутунва.

Сад лагьай модуль кьве гьафтеда давам жеда. И муьгьлетда иштиракчияр образованидин лагерда яшамиш жеда ва абуру чирвилер къачуда, чпин тежриба артухарда.

Къейд ийин хьи, «Доблесть гор» прог­рамма СВО-дин ветеранар ва иштиракчияр патал кардик кутунва. Ада воен­ный къуллугъчийриз государстводин, муници­палитетрин гьукумдин органра кIва­лах­дай мумкинвилер гузва. РикIел хкин, и программадикай Сергей Меликова РФ-дин Президентдихъ галаз кьиле фейи гуьруьшдални ихтилат авунай.

Гегьеншдиз РД-дин Кьилин Адми­нис­т­рациядин телеграм-каналдай кIелиз жеда­.

Чи мухбир