1-августдиз Хасавюртдин полициядин къуллугъчийри тайинарайвал, чкадин агьалиди, 29 йисан яшда авай дишегьлиди, алишверишдин маканда авайла, аниз атанвай маса дишегьлидин мобильный телефон чуьнуьхна.

Шак фенвайди полициядин отделдиз хкана ва ада вичи авур нагьакьан кар хиве кьуна. Малум хьайивал, телефон 30 агъзур манатдин къиметдик квайди я. Вичин телефондиз ухшарди акурла, дишегьлидиз ам гьакъикъатдани вичинди хьиз хьана ва вахчуна. Гуьгъуьнлай, кIвализ хтайла, вичин чантадай адаз кьве телефон жагъана. Дишегьлиди абурукай сад маса гун кьетIна. 10 агъзур манатдай маса гана, хьайи къазанжи вичиз кIандайвал серфна.

Чуьнуьхай затI полициядин къуллугъчийри вахчуна ва иесидив — 48 йисан яшда авай дишегьлидив — вахкана.

Тахсиркарвилин лишанриз килигна, РФ-дин УК-дин 158-статьядин 2-паюнин «в» пунктунай (угъривал) уголовный дело къарагъарнава.