Квез чидани?
Крачка-инка аламатдин къуш я, сифте нубатда маса къушариз хас тушир лишан — «спелар» — себеб яз. Гьакъикъатда адан «спелар» жив хьтин рангунин цIакулрин галгам я. ЦIакулрикай ибарат «безекрал» 5 сантиметр яргъивал ала.
И къуш гьуьлуьн лиферин (чайка) килфетдик акатзава. Руьхъведин ва рехи рангунин цIакулар авай, къати яру кIуфун кьве патайни лацу «спелар» авай и къушран заланвал 190 грамм кьван жеда. Ада, каци хьиз, «мяв-мяв» ванер акъудда.
Крачка-инка Кьиблепатан Америкадин рагар квай чкайра яшамиш жезва. Абурун кьадар тIимил жезвайвиляй 2004-йисалай МСОП-ди (тIебиатдал къаравулвал авунин вири халкьарин союз) и къушар хаталувилик квайбур яз гьисабнава. Пешекарри тестикьарнавайвал, алай вахтунда и къушарин умуми кьадар 150 агъзурдакай ибарат я. Асул гьисабдай и къушари балугъар незва.
«Лезги газет»
