Россиядин премьер-министр Михаил Мишустина СВО-дин иштиракчияр­ улакьрин ва чилин налогрикай азад ийи­дай проектдин тереф хвена. Къейдзавайвал, регионрилай аслу тушиз, и ­кьезилвилер вири уьлкведа къуватда гьатда.

Налогдин муддат. Кьезилвал СВО-да иштиракай йисаз (гьатта сагъ са йисуз иштиракначтIани) кьиляй-кьилиз талукь жеда. Налог вич-вичелай (арза галачиз) 2022-йисалай къуватдай вегьеда (яни алатай муддатни фикирда кьазва).

Улакьриз талукь налогдикай рахайтIа, 10 миллион манатдилай багьа тушир са машиндай налог тагудай ихтияр ава.

Чилиз талукь налогдикай рахайтIа, 600 квадратный метрдал кьван майдан авай чилин са участокдай налог тагудай ихтияр ава.

ЦIукьуд йис хьайидалай кьулухъ

14 йис тамам хьанвай аялриз «Гос­къуллугъар» порталдикай са жерге рекьерай куьмекар жеда. Масадан куьмек галачиз, чпивай менфят къачуз жедай къуллугърик ихьтинбур акатзава:

— РФ-дин паспортдалди порталда жуван хсуси чин (учетдин кхьинар) арадал гъун ва ам тестикьарун;

— электронный дневникдиз ва къи­мет­риз килигун;

— колледжрик ва вузрик экечIун патал арзаяр вугун;

— ЕГЭ-дин нетижаяр чирун;

— гьавая театрриз, музейриз, выс­тавкайриз, кинодиз ва медениятдиз талукь маса мярекатриз фин патал «Пушкинан карта» туькIуьрун ва ам ишлемишун;

— болельщикдин карта туькIуьрун.

РД-дин МФЦ-дин кьилин идарадин пешекарри къейдзавайвал, «Госкъуллугъар»­ порталдиз гьахьдай мумкинвал ачухун ва я гуьнгуьна хтун патал жуван паспортни СНИЛС гваз МФЦ-диз фена кIанда.

Аял прописка авунин гьакъиндай

Аял регистрация ийидайла, вуч чир хьун важиблу я?

— 14 йис тамам жедалди кIвалин иесидин разивал герек жезвач;

— эгер диде-буба гьар жуьре адресра прописка авунватIа, аял регистрация авун патал диде-бубадикай кьвед лагьайдан разивал чарасуз я;

— эвленмиш хьанвайвилин гьакъиндай шагьадатнама чарасуз документ туш, амма МВД-дин бязи отделенийра ам истемишун мумкин я.

Аял герек тир адресда регистрация авун патал ихьтин документар гваз МФЦ-диз фена кIан жеда:

— диде-бубадин паспортар;

— аял хьайивилин гьакъиндай шагьадатнама;

— ЕГРН-дай выписка.

Регистрация кьве жуьрединди ава: гьамишанди ва вахтуналди тирди.

Маса суалар аматIа, телефондин  666-999 нумрадиз зенгна ва я «Зи Документар» идарада чириз жеда.

«Лезги газет»