Кесибрикай тир ашукь вичин чуьнгуьрни гваз хайи хуьряй акъатна, Къубада, Шекида, Ширванда къекъвена. Инра адан алакьунарни гужлу хьана, халкьдин арада тIвар-ван акъатна.

Лезги Къадиран эсерра муьгьуьббатдин, дишегьлидин гуьрчегвилин, итимдинни дишегьлидин алакъайрин темадилай гъейри, халкьдин дуланажагъдиз талукь, обществода гьахъвал тахьунин месэлайрикайни хцидаказ лагьанва. Лезги Къадир вичин уьмуьрда, девлетдинни кесибвилин бягьсинал гьалтайла, датIана кесибвилин, гьахъ винел акьалтунин терефдар хьана. Чал агакьнавай адан чIалар поэзиядин вини дережадин эсерар я. Лезги Къадиран эсерар сифте яз Мавлуд Ярагьмедова 1987-йисуз «Дагъустандин савкьатар» ктабдиз акъудна.

«Лезги газетдин» 2025-йисан 15-нумрадай