Санай масаниз физвай «Гъалибвилин поезд» музей Махачкъаладиз агакьнава. Идакай Дагъустан Республикадин жегьилрин крарин рекьяй министерстводи хабар гузва.
«Гъалибвилин поезд» меркезда шад гьалара кьабулна. И мярекатда Дагъустандин Гьукуматдин Председателдин заместитель Муслим Телякавова, жегьилрин крарин рекьяй министр Камил Саидова ва масабуру иштиракна», — хабар гузва малуматда.
Выставкада 50 видеопроектор, 18 видеостена ва 12 интерактивный стол ава.
«Экуьнин ва сесерин гужлу таъсирри, кьетIен жуьредин панорамайри цава кьиле физвай женгерин ва танкарин гьужумрин сегьнеяр мадни хъсан ачухарзава, абурал «чан гъизва». Идалди тамашачийриз аскеррин гьар йикъан уьмуьрдихъ ва дяве башламиш жедалди абурун ислягь яшайишдин легьзейрихъ галаз таниш жедай мумкинвал гузва. Выставка 10-мартдалди давам жеда», — алава хъувуна министерстводин пресс-къуллугъдин векилди.
«Лезги газет»
