Дербент шегьердин судди Табасаран райондин администрациядин виликан кьил Нурмегьамед Шихмегьамедован хва 2 вацран къене — алай йисан 9-апрелдалди — дустагънава. Идакай ТАСС-ди хабар гузва. Чешмедин малуматралди, ада ва мад кьве касди санал полициядин къуллугъчи гатана.
Дуьшуьш алатай гьяд йикъан йифиз Дербент шегьерда арадал атана. Йифен вахтунда кIвалахзавай са идарада къанун-къайда чIурнавайдакай хабар агакьай полициядин къуллугъчи гьаниз рекье гьатна. Чкадал адаз ичкидин таъсирдик кваз къалмакъалзавай пуд итим акуна. Ада абурувай чеб дуьз тухун истемишна, амма пиян гьалда авай итимри ам гатана. Идалай гъейри, абурукай сада полициядин къуллугъчидивай тапанчи къакъудна, адал гуьллейрин хирерни авуна.
Идалай кьулухъ абур, чуьнуьх жедай ниятар аваз, тахсиркарвал авур чкадилай катна. Амма гуьгъуьнлай абур пудни къанун-къайда хуьдай органрин векилри кьуна.
Полициядин къуллугъчидиз шегьердин кьилин духтурханада муракаб операция авуна. Алай вахтунда адан сагъламвал патал хаталувал авач.
Чи мухбир
