Лутувал винел акъудна
Тади серенжемар кьабулай вахтунда Дагъустандин МВД-дин УЭБиПК-дин къуллугъчийри кIвал маса гунихъ галаз алакъалу лутувал дуьздал акъудна.
Полициядин къуллугъчийри тайинарайвал, эцигунрин тешкилатдин регьберди, Махачкъала шегьерда эцигдай гзаф мертебайрин кIваляй квартира маса гуда лагьана, тапарралди 49 йисан яшда авай дишегьлидин пул вичиз къачуна. ЧIуру ният авайдав Махачкъаладай тир дишегьлиди 2 миллионни 840 агъзур манат пул вугана, амма кIвалин иеси адакай хьанач.
И делилдай суд-дуван авун патал материал кIватIнава. Силисдин кIвалах давам жезва.
Марихуана вахчуна
Гуниб райондин полициядин къуллугъчийри Кьудали хуьруьн хсуси кIваляй канабдин 24 вал дуьздал акъудна ва вахчуна. Шак физвай, 38 йисан яшда авай чкадин агьали полициядин отделдиз агакьарна.
Агьалиди ихтилат авурвал, адан мулкарай жагъай марихуана ада вичи ишлемишун патал цанвай.
Къайдаяр хуьдай органрин къуллугъчийри и делилдай материал кIватIнава. Силисдин кIвалах кьиле тухуда.
«Лезги газет»
