Гьуьрметлу «Лезги газетдин» редакция!

Квез и чар кхьизвайди СтIал Сулейманан райондин Сардархуьруьн мектебда кIвалахзавай муаллимринни техработникрин коллектив я. Чаз милли газетдин чинрилай чи баркаллу хуьруьнви Абил Абдурагьманович Межидоваз сагърай лугьуз кIанзава.  Ада Дербент шегьерда юриствиле кIвалахзава. Ам лезги писателрин союздин председателни я. Абил Абдурагьманович жумарт, рикI михьи инсан я. Районда ва Сардархуьре тухузвай мярекатра Абил Абдурагьмановича гуьгьуьллувилелди иштиракзава. «Лезги газет» кхьин патал Абил Абдурагьмановича Сардархуьруьн муаллимрин коллективдиз ва мектебда кIвалахзавай техработникриз пулдин такьатар чара авунва. Чна писатель ва юрист Абил Абдурагьмановичаз рикIин сидкьидай чухсагъул лугьузва. Къуй вичихъ чандин сагъвал, яратмишунрин рекье мадни чIехи агалкьунар, хизанда бахт ва берекат хьурай. И четин девирда халкьдин дерди-баладикай, инсанрин гележегдикай фикирзавай Абил Абдурагьмановичаз аферин, баркалла!

Гьуьрметдивди, квез кIани ва куьн кIани Сардархуьруьн мектебдин муаллимрин десте.

«ЛГ»