Дагъустандин аграрийри саки пуд агъ­зур тонн хурмаяр кIватI хъувун пландик кутунва. Идакай «Дагъустандин экономика» телеграм-каналди хабар гузва.

Чешмеди къейдзавайвал, РД-дин хуьруьн майишатдин ва недай суьрсетдин министерстводин делилралди, и жуьредин емишрин хъсан бегьерар республикадин кьиблепата вилив хуьзва — Дербент, Мегьарамдхуьруьн ва СтIал Сулейманан районра.

Къейдзавайвал, и емишрин вирида­лайни машгьур сортар ибур я: «шиш бу­рун», «хиакуме», «хачия» ва «сидлес».­ Чешмеди раижзавай делилралди, и емишрин гьар са тарцивай 150 килограмм кьван бегьер гуз жезва.

Кхьизвайвал, алатай йисара кIватI хъувур хурмайрин кьадар 6 агъзур тонндив агакьнавай. Регионда и жуьредин емишар гьакъикъатда агьалийрин хсуси саки вири майишатра гьасилзава. Юкьван гьисабдалди са гектардай саки 250 центнер бегьер кIватI хъийизва.

Гьазурайди — Муса  Агьмедов