Москвадин 1502-нумрадин физикадинни математикадин лицейдин 10-классдин бажарагълу ученик Амир Дадашев испикви, физикадин бажарагълу муаллим, Испикрин ва Шихидхуьруьн мектебра физикадин муаллим хьайи РСФСР-дин, СССР-дин, Дагъустандин халкьдин образованидин отличник Дадашев Мегьамедгьасанан хва Рагьимханан гада я. Ам Москвада физикадин рекьяй сборный комитетдин член я. 2023-йисуз адакай Ломоносован тIварунихъ галай олимпиадада гимишдин призер хьана.
И йикъара чав шад хабар агакьна — Амиракай физикрин международный олимпиадада буьруьнждин призер хьана. Лезги аялрин арада ихьтин еке агалкьун къазанмишун им сад лагьай гъалибвал я. ЧIехи бубадин пеше хкязавай Амирахъ гележегда мадни еке гъалибвилер ва агалкьунар хьурай.
Бикеханум Алибегова
