Кьурагь райондин админист­ра­циядин кьил Азизов Замиран тIварцIихъ танкарин 218-полкунин командирдилай чар хтана.­ Ана офицерди танкарин полку­на­ вичин гъилик къуллугъзавай­ Арабляр хуьруьн агьали, меди­цинадин къул­лугъдин лейтенант­ Мадрид Хаметован ви­кIегь­ви­ликай, жуьрэтлувиликай да­мах­дай тегьер­да кхьенвай. Идакай райондин пресс-къуллугъди хабар гузва.

«Медицинадин къуллугъдин лейтенант Мадрид Хаметова,­ хер хьанвай аскер женг кьиле физвай майдандилай саламат чкадиз ахкъуддайла, жуьр­этлувал къалурна. СакIани акъвазар тийизвай душмандин гуьл­лейрик ада са жуьреда гуьнгуьнай акъат­навай машиндаваз хер хьанвай аскер хатасуз чкадиз агакьарна. Ахпа вичел хьанвай хирезни килиг тавуна,  аскер далудал алаз тамарай са километр­ни зуран мензилдиз ­ялна».

Идал къведалдини М. Хаметова махсус серенжемда иштиракзавай хер хьанвай са шумуд аскер къутармишна. Вичин пешени ада кардин гъавурда аваз, гъалибвал патал женг чIугвазвай аскерриз, офицерриз герек куьмек гуз кьиле тухузва.

Командирди кхьизвайвал, Да­­гъустандай тир кьегьал хци женге­рин четин шартIара чIехи ко­ман­диррин тапшуругъар кьилиз­ акъуд­завай полкунин аскерар ви­чин­ чешнедалди руьгьламишзава, душман, сенгерар туна, катдай чкадал гъизва. Везифаяр лайихлувилелди ­­та­­мамарзавай, женгер кьиле­ физ­вай­ майданда жуьрэтлувал, ви­кIегь­­вал къалурзавай Мадрид  Хаметов­ «Ди­­­­ри­башвиляй» медалдалди къейд­­на­ва.

Хийир Эмиров