МФЦ-дин идарадин пешекарри хабар гузвайвал, лутуйри агьалияр алцурарун патал гьар жуьредин амалар ишлемишзава. Госработникар, МФЦ-дин пешекарар я лугьуз, ватандашриз зенгер ийизва. Лутуйрин макьсад ам я хьи, «Госкъуллугъар» порталдин аккаунт гуя масабурун ихтиярда гьатнава ва я куь кIвачихъ чарада кредит къачунва лагьай тапан малуматар гуналди, ватандашрин­ хсуси делилар чпиз чириз алахъзава­. Ихьтин тапан багьнайралди, лутуйри чпи зенгзавайбурувай СМС-дай атай «Гос­къуллугъар»­ пор­талдин пароль тIа­лабзава. Гуя ам ма­лумарайтIа, аккаунт хаталувилик акат хъийидач. Ибур вири тапарар я!

Нагьакьан крарик кьил акат тавун патал гьар са агьали мукъаят хьун лазим я. Жуван хсуси делилар садрани чарадаз лугьумир, зенгзавайбурун чIалахъ садрани жемир.

Государстводин патай ийизвай куьмекар я лугьуз, соцсетра фикир желбдай кьилер ганвай малуматарни чукIурзава. Къалурнавай ссылка ачухайтIа, гуя меслятар гун патал тайин нумрадиз зенгун теклифзава. Ибурни тапарар я!

Государстводи тайинарзавай кьезилвилерин, куьмекрин гьакъиндай анжах официальный чешмейрай, талукь идарайрин махсус аккаунтрай чириз жеда.

______________________________________

Карчивилиз талукь яз

ИП (кьилдин карчи) регистрация ийиз­ ва гьахъ-гьисабрин счёт ахъайиз­ кIанзавай агьалийривай и кар, биз­нес­дин «Старт» проектдин сергьятра аваз, МФЦ-дин  идарада  кьилиз  акъудиз  жеда.

Арзачидив паспорт, ИНН, онлайн Сбербанкдин приложение хьун герек я.

МФЦ-да гьам гъвечIи бизнесдиз, гьамни бизнес мадни гегьеншариз кIан­завайбуруз талукь маса къуллугъарни кьилиз акъудзава.

Меслятар герекзавайбурувай, суалар­ авайбурувай, телефондин 666-999 нум­ра­диз зенгна, хабар кьаз жеда. Зенг гьавая я.

«Лезги газет»