Бахтуни гайила, сарар къуьруь хьанвай кьван.

Базардин экономикади яшайишдин кIвалер, гьаятар туьквенриз, базарриз, кафейриз, салонриз элкъуьрна.

Базаррикай зегьметчияр бизар хьайи замана.

Бахт хъуьрейла, ламракни лувар акатда.

Бахт, бахт лугьуз, ам я атанач, я акунач, вахтни фена.

Беденда раб эцямир, иви акъатда.

Буьркьуь яцраз булах алай чка чир жеда.

Бахтунин лувар — дидед чIал.

Булутар цавукай къакъудиз жедач.

Бахт я хъуьреда, я шехьда.

Бязи журналистрин макъалайрик акьван яд жеда хьи, ам бандунай хьиз авахьда, авахьда…

Бубадин кIвал дишегьлидиз, гьар кIеве гьатайла, батмиш жезвайдаз гадарзавай къутармишдай жилет хьиз я.

Бубадин кIвалин няметрихъ дишегьли веледдин гьамиша вил жеда.

Нариман Ибрагьимов