Чи уьлкведин шегьеррикай делилар
. Россиядин виридалайни чIехи шегьер Москва я, гъвечIи шегьер — Чекалин (Туладин область).
. Россиядин виридалайни кьиблепата авай шегьер Дербент я.
Россиядин агьалийрин 70 процент шегьерра яшамиш жезва.
. Чи уьлкведа 1117 шегьер ава.
. Москва дуьньяда университетдин виридалайни еке дараматдалдини машгьур я.
. Туристар виридалайни гзаф къвезвай шегьерни Москва яз гьисабзава.
. Чи уьлкведа виридалайни чими шегьер Сочи я. Гьавадин чимивилел гьалтайла, Сочидилай гуьгъуьниз Ялта ва Махачкъала шегьеррин тIварар кьазва.
. Россиядин лап къадим шегьеррин жергеда Дербент, Керчь, Великий Новгород, Ростов Великий, Смоленск ва масабур ава.
. Россиядин виридалайни михьи шегьеррин жергеда Таганрог, Кострома, Грозный, Владикавказ ва Сочи ава.
. Виридалайни хатасуз шегьерар, эхиримжи ахтармишунрин нетижайрал асаслу яз, Екатеринбург, Москва, Грозный ва Казань я.
. Санкт-Петербургда 2 агъзур ктабхана, 40-далай виниз картинайрин галереяяр, 80-дав агакьна театрар, 200-далай гзаф музеяр ава.
. Чилел алай метройрикай Петербургдинди виридалайни деринди я.
. Дуьньядин виридалайни кеферпата авай, 100 агъзурдалай гзаф агьалияр яшамиш жезвай шегьер Норильск я.
«ЛГ»
