СФР-дин Дагъустанда авай Отделенидин сад тир колл-центрадин къуллугъчийри алай йисан алатнавай варцара республикадин 163 агъзурдалай виниз агьалийриз меслятар къалурна. Юкьван гьисабдалди юкъуз гьар са оператордал 220-далай виниз зенгер къвезва. Виридалайни гзаф абур аялрин пособияр гузвай (гьар вацран 3, 5, 8), гьакIни пенсия гузвай йикъарал (гьар вацран 5, 13 ва 23) ацалтзава.
— Колл-центрадиз зенг ийизвай касдин гъилик документар хьун лазим я. Кьилди къачуртIа, абурувай СНИЛС-дин нумра, паспортдин делилар хабар кьазва, — гъавурда твазва центрадин къуллугъчийри.
Эгер и ва я маса месэладин патахъай суалар пайда хьайитIа, квевай абур, Дагъустандин Яшайишдин фондунин «ифей линиядин» телефондин: 8-800-200-03-39 нумрадиз зенгна, чириз жеда. Гьа и нумрадин куьмекдалди квевай республикадин муьштерийрихъ галаз кIвалахдай къуллугъра учир кьазни жеда.
Рагнеда Рамалданова
