Абад  Азадов

Дагъустандин футболистрихъ 2001-йи­суз тежедай хьтин агалкьун хьана. Кьилин тренер Гьажи Гьажиевахъ галаз «Анжи» командади Россиядин высший­ лигада къугъвадай ихтияр къазанмишна. 2010-2014-йисара Сулейман Керимо­ва куьмек гузвай «Анжидин» тIвар неинки Россияда, гьакI Европадани кваз акъатна. Ам Россиядин премьер-ли­га­да ва Еврокубкайрани къугъвана. Ам­ма мад командадилай премьер-лигада къугъунар давамариз алакьнач. Са арадилай «Анжи» командани чкIана.

2022-йисуз майдандиз республикада фадлай кардик квай, амма эхиримжи вахтара вичихъ тарифдай са нетижани авачир «Динамо» команда эхкъечIна. И кардиз Дагъустандин Кьил Сергей Меликова еке къуват гана. Ингье 2023-2024-йисара 1-лигадин къугъунра кьвед лагьай чка кьур Дагъустандин футболистар мад премьер-лигадиз акъатна. Ихьтин агалкьун футболистри, дагъустанвийри шаддаказ къейдни авунай.

21-июлдиз «Динамо» командади Мос­­к­­вадин областда «Химки» команда­дихъ галаз сад лагьай къугъун кьиле тух­вана.Къугъун кьиле фейи вахтунин чIехи паюна туп «Химкидин» футболист­рив хьа­натIани, 33 лагьай декьикьада махачкъалави Идар Шумахова иесийрин варариз туп яна. Анжах 51 лагьай декьикьада­ «Химкидин» футболист Антон Заболотныйди «Динамодин» варариз жавабдин туп хъияна. Къугъун гьа икI куьтягьни хьана. Махачкъаладин футболистри 1 очко­ къазанмишна ва гьа идалди вичин тамашачияр (болельщикар) бейкефарнач. Умудлу я, инлай кьулухъни абуру чеб патал важиб­лу очкояр къазанмишда.

Нубатдин къугъунар 28-июлдиз — Крас­нодардин (Краснодарда), 9-августдиз — Нижний Новгороддин (Махачкъалада)­ ва 15-августдиз «Локомотивдин» (Москвада) футболистрихъ галаз кьиле фида.