РД-дин Гьукуматдин Председатель Абдулмуслим Абдулмуслимован ва Узбекситандин премьер-министр Абдулла Арипован и йикъара кьиле фейи гуьруьшдал Дагъустандин лапагрин сар Юкьван Азиядин уьлкведин парча храдай фабрикайра гьялунин месэла веревирдна.
Узбекистандин терефди Дагъустандин хипехъанвилин, гьакIни международный базарда игьтияж екеди тир мериносдин сар гьасилунин рекьяй авай алакьунар къейдна.
«Узбекистанда кьезил промышленность йигиндаказ виликди фин себеб яз, премьер-министрди Дагъустандин Гьукуматдихъ галаз сар гьялунин ва сун парчаяр гьазурунин рекье алакъада аваз кIвалахунин месэладиз килигун тапшурмишнава», — лагьана А. Абдулмуслимова гуьруьшдилай гуьгъуьниз.
РД-дин Гьукуматдин Председателдин ва Узбекистандин премьер-министрдин гуьруьш, Россиядин Федерациядин ва Узбекистан республикадин регионрин Советдин заседанидин сергьятра аваз, майдин эхирра Ташкентда кьиле фена.
Амина Муслимова
