Квез чидани?

.  Пешекарри малумарнавайвал, дуьньяда 5 океан ва 63 гьуьл ава.

.  Виридалайни михьиди Уэдделла гьуьл яз гьисабзава.

.  Виридалайни деринди Филиппинрин гьуьл я. Адан виридалайни дерин чка 10265 метрдин агъада ава.

.  Океанрини гьуьлери Чилин майдандин 71 процент кьунва. Планетадин цин запасрин 99 процент океанрини гьуьлери тешкилзава.

.  Гьуьлуьн цик ана цIранвай къизилдин тахминан 20 тонн кьван ква.

.  Дуьньядин океандин цин чимивилин юкьван кьадар +3,5 градусдиз барабар я.

.  Чилел алай чIехи шегьеррин 75 процент цин къерехра ава.

.  Чи планетадин агьалийрикай 80 процент гьуьлуьвай ва я океандивай 100 километрдилай яргъа тушир мензилда яшамиш жезва.

.  Исятда Средиземный гьуьл алай мулк, пешекарри тестикьарнавайвал, са мус ятIани кьурамат тир. Цин дережа хкаж хьуникди Атлантикадин океандин яд Гибралтардин проливдай гужлудаказ и чкадиз авахьна.

.  Кеферпатан (Северный) ва Балтикадин гьуьлер, ятарин сигъвал себеб яз, сад-садак какахьзавач.

.  Океандин юкьва авай тек са гьуьл Саргассово гьуьл я.

.  Яру гьуьл виридалайни чимиди яз гьисабзава. Гьа са вахтунда ам виридалайни кьацIайдини я. И гьуьлуьз датIана гьич са вацIни авахьзавач.

.  Гьуьлуьн цик акьван гзаф кьел ква хьи, эгер ам дуьздал акъудайтIа, гьуьлуь кьунвай вири майдан гзаф метрийрин кьакьан къатунивди кIевириз жеда.

.  Гьуьлуьн лепеяр 40 метрдин кьакьанвилихъ хкаж хьун мумкин я.

.  РагъэкъечIдай патанни Сибирдин гьуьл виридалайни къайиди я.

«Лезги газет»