24-февралдиз Урусатдин журналистрин Союздин Дагъус­тандин отделенидин ревизия­дин комиссиядин председа­тель Мурад Мегьа­мед­ке­ри­мо­ва РД-дин Кьил Сергей­ Ме­­ликова малумарнавай «Ха­йи мектебдиз савкьат» се­рен­жем­дик вичин пай кутуна.

ИкI, ада вичин хайи Агъа СтIалрин мектебдиз «Тап­шуругърин кIва­тIал» ктабдин 200 экземпляр пишкешна. Лезги чIалайни эдебиятдай гьазурнавай тес­терикай ва маса тапшуругърикай  ибарат и ктабдин автор Куругъли Ферзалиев я.

ДатIана жуьреба-жуьре рекьерай куьме­кар гунай мектебдин­ директор Феликс Магьмудова М.Ме­гьа­мед­керимоваз сагърай лагьана. «Му­рад Федрияновича чи мектебдиз датIана вичелай алакьдай куьмекар гузва: хъсандиз кIелзавай аялриз пулдин пишкешар чара ийизва, технический база мягькемаруник вичин пай кутазва, ктабханадив цIийи ктабар агакьарзава… Са гафуналди, вичи кIелай мектебдин патахъай къайгъударвал къалурзава. Ам хьтин ватанэгьлийрал чна дамахзава», — алава хъувуна директорди.

Къейд ийин хьи, СтIал Сулейманан районда «Хайи мектебдиз савкьат» серен­жем да­в­амарун патал М.Мегьа­мед­­ке­римова эстафета Агъа СтIал­рин администрациядин кьил Надир Эфендиевав вахкана.

Чи мухбир