15-февралдиз, Афгъанис­тан­дай Советрин кьушунар ахкъудай ва уьлкведилай къецепата къуллугъдин везифаяр тамамарай ватанэгьлияр рикIел хкизвай юкъуз, Белиж поселокдин гимназияда, 2 ва 4-нумрайрин юкьван мектебра Украинада кьиле физвай махсус серенжемда телеф хьайи белижвийрин — старший прапорщик Хидирнеби Акимован, гвардиядин ефрейтор Артур Амаханован, жергедин аскер Артем Хидирнабиеван — экуь къаматар эбеди авунин мураддалди мемориалдин кьулар ачухуниз талукьарнавай ясдин митингар кьиле фена.

Махсус серенжемда къалу­рай дирибашвиляй РФ-дин Пре­зи­дентдин Указдалди Х.Аки­мо­ваз­, А.Амахановаз, А.Хи­дирна­­би­­еваз «Жуьрэтлувиляй» (те­леф­ хьайидалай кьулухъ) орденар ганва.

Митингра телеф хьайи игит аскеррин багърийри, Дербент райондин кьил Мавсум Ра­гьи­мова, Белиж поселокдин­ кьил Рамиз Гьабибулаева, рай­он­дин администрациядин уп­рав­лений­рин ва отделрин руководителри, школайрин директорри ва масабуру иштиракна.

Мемориалдин кьулар Мавсум Рагьимова, аскеррин багърияр тир Инжиханум Акимовади, Зарина Амахановади ва Ражидин Хидирнабиева ачухна.

Аскервилин буржи тамамардайла телеф хьайи вири женгерин иштиракчийрин къаматар рикIел хуьнин лишан яз, митинг­рин иштиракчияр са декьикьада кисна акъвазна. Гуьгъуьнлай абуру мемориалдин кьуларал цуьквер эцигна.

Къагьриман  Ибрагьимов