Алатай йисуз Дагъустанда рак азар акатнавайбурун кьадар гзаф хьана. Эгер 2022-йисуз и чIуру уьзуьрдик начагъбурун кьадар 4892 кас тиртIа, 2023-йисуз и рекъем 5250-дав агакьна.
«Дагъустан» РИА-ди хабар гузвайвал, республикада виридалайни гзаф ракдин пуд жуьре гегьенш жезва: некIедин железадин, жигеррин ва хамунин рак.
Дагъустандин онкологиядин центрадин маммологиядин отделенидин заведующий Мирза Мурачуева къейдзавайвал, онкоцентрада диагностикадин рекьяй алай аямдин виридалайни машгьур ва дуьм-дуьз шикил къалурзавай къайдайрикай менфят къачузва: УЗИ, КТ, МРТ, ПЭТ-КТ, биопсия, гистологиядин, иммуногистохимиядин ахтармишунар.
Фендигар уьзуьрдин вилик пад кьун патал духтурри инсанриз мукьва-мукьвал сагъламвал ахтармишун, бедендиз зарарлу затIар ишлемиш тавун, сагълам уьмуьр тухун теклифзава.
Агьмед Магьмудов
