И мукьвара Махачкъалада кардик квай «Мавел» чапханада алим, Дагъустандин халкьдин писатель Къурбан Акимован 2 ктаб чапдай акъатна: «V классда «Лезги литература» чирдай методикадин меслятар» ва «Библиографический указатель».
Къейд ийин, методикадин меслятар авай ктаб муаллимар патал чарасуз затI я. Алимди, методистди хайи чIалан эдебиятдин тарсар гузвай муаллимриз методикадин рекьяй вижевай теклифар къалурнава: адетдин ва технология еримлу хьуникди пайда хьанвай цIийи къайдаяр. Ктабда тарсарин чешнеяр, аялрин чирвилер веревирддай рекьер, муаллимдин кIвалахдин планар ганва.
Кьвед лагьай ктаб неинки муаллимар, гьакI писателдин яратмишунрал рикI алайбур, абур ахтармишдайбур патал герекди я.
Лезги Фетгьуьллагь
