Малум хьайивал, Дагъустандин гостехуниверситетдин ве­килрикай «Несилдин сес. Му­аллимар» проектдин иштирак­чияр хьана. «Несилдин сес» — им жегьилрин крарай федеральный агентстводин образованидин кьилин проектрикай сад я. «Несилдин сес. Муаллимар» модуль РФ-дин илимдин ва высший образо­ванидин министерстводихъ галаз санал  вузрин муаллимар патал уьмуьрдиз кечирмишзава.

Очный къайдадин модуль 3-6 ноябрдиз чирвилерин «Машук» центрада кьиле фена. Адан программа командаяр патал чирвилер гунин ва тежрибадин паярикай ибарат тир.

Программадин иштиракчийри ва мярекатдал рахай ксари  тер­бияламишунин карда цIийи манаяр ва важиблу месэлаяр ве­ревирдна. Лекторар яз машгьур педагогар ва уьлкведин гьар жуьре вузрин векилар рахана.

Иштиракчийрин арада декан­рин тербияламишунин кIва­лах­дин рекьяй заместителар авай: Абдурагьимов Мегьамед,  Агьме­дова Залина, Мегьамедо­ва­ Пайнусат, Султанагьмедов Фик­­рет, Су­лаев Султан, Рабада­нова Пати­мат, Агъамирова Эсмира ва тербияламишунин кIва­лахдин от­делдин начальник Салагьов Эседуллагь. ДГТУ-дин делегацияди Дагъус­тан Рес­­­пуб­ликадин патай лайих­лу­даказ векилвална.

Чи мухбир