Кьиблепатан Америкадикай делилар
. ЧIехивилел гьалтайла, Кьиблепатан Америка континентрин арада кьуд лагьай чкадал ала.
. Китайда Кьиблепатан Америкада яшамиш жезвай агьалийрилай кьуд сеферда артух инсанар яшамиш жезва.
. Бразилия, Суринам ва Гайана квачиз, Кьиблепатан Америкадин вири уьлквейра испан чIалаз гьукуматдин дережа ава.
. Кьиблепатан Америкада виридалайни чIехи шегьер Бразилиядин Сан-Паулу яз гьисабзава.
. И материкдин гзаф уьлквеяр хатасузбур яз гьисабзава. Виридалайни секинди Чили Республика я.
. Санлай Кьиблепатан Америкадин умуми майдан Россиядин умуми майдандилай са тIимил кьван еке я. Гекъигин: Кьиблепатан Америка 17840000 квадратный километрдикай ибарат я, Россия – 17125191 квадратный километрдикай.
. И материкдин уьлквейрикай савадсуз агьалияр гзафни-гзаф Перуда ава. Перудин гьар цIуд лагьай агьали кIел тавунвайди я.
. Дуьньядин чIехи вацI Амазонка Кьиблепатан Америкада ава.
. Кьиблепатан Америкадин уьлквейра виридалайни гзаф машгьур спорт футбол я.
. Дуьньяда малум тир лап чIехи гъуьлягъар (анакондаяр) анжах и материкда яшамиш жезва.
. Санлай къачурла, и континентда аслу тушир 12 уьлкве ава, абурукай лап чIехибур Бразилияни Аргентина яз гьисабзава.
. Континентрикай виридалайни ламувал гзаф авайди Кьиблепатан Америка я.
«Лезги газет»
