24-июлдиз Махачкъалада РД-дин Гьукуматдин Председателдин заместителдин везифаяр вахтуналди тамамарзавай Рамазан Жафарован регьбервилик кваз совещание кьиле фена. Анал Россиядин Федерация стратегиядин жигьетдай вилик тухунин “Хатасуз ва ерилу рекьер” проектдин сергьятра аваз Махачкъала шегьердин транспортдин къурулуш комплекснидаказ вилик тухунин Программа кьилиз акъудзавай гьалдиз талукь месэладиз килигна.
Мярекатда Махачкъала шегьердин адмистрациядин кьилин везифаяр вахтуналди тамамарзавай Абусупьян Гьасанова, РД-дин транспортдин ва рекьерин майишатдин министр Ширухан Гьажимурадова, са жерге ведомствойрин ва карханайрин руководителри иштиракна.
РикIел хкин: 2018-йисуз Махачкъалада шегьердин къенепатан 99-куьчеда, санлай къачурла, 126, 2 километрдин мензилда рекьер, гьакIни Махачкъаладихъ тухузвай автомобилрин 8 рехъ ремонт авун фикирдиз къачунва.
Алай вахтунда 65 куьчеда (Кировский районда — 30, Ленинский районда — 19 ва Советский районда — 16) кIвалахар гъиле кьунва.
«Лезги газет»
