Экономикадин ва халкьдин майишатдин хилер дурумлудаказ вилик тухун патал республикада кьиле тухузвай кIвалах са акьван регьят шартIара кьиле физвач. ЯтIани РД-дин Гьукуматди къведай йисан бюджетдин проект гьазурнава ва ам региондин Халкьдин Собранидив агакьарнава. Идакай премьер-министр Абдулмуслим Абдулмуслимова хабар гана.
«Бюджетди алай вахтунин экономикадин гьал къалурзава. Лагьана кIанда, сад лагьай сеферда веревирд авун патал гьазурнавай проект тамамди туш, гьикI лагьайтIа, ана федеральный дережадин дотацияр гьисаба кьунвач. Гьавиляй проектдин сергьятар кьвед лагьай сеферда веревирддайла дегиш хъжеда», — лагьана А.Абдулмуслимова.
РД-дин Гьукуматдин Председателдин гафаралди, алай йисан бюджет кьилиз акъудун патал планда къалурнавай бязи терефрин гьакъиндай кьиле тухузвай кIвалах зайиф я. Мисал яз, налогрин кьилдин жуьрейрай тамамарна кIанзавай кIвалахдин анжах 90 процент кьилиз акъуднава. Идалайни гъейри, гьукумдин органра кIвалахзавай бязи къуллугъчийрал налогрин буржарни алама.
Гегьеншдиз РД-дин Гьукуматдин сайтдай кIелиз жеда.
Агьмед Магьмудов
