И  йикъара  СтIал  Сулейманан  район­да, «Жуьрэтлувиляй» ордендин сагьиб Ро­берт Къазиагьмедов рикIера хуь­низ талукьарна, мини-футболдай респуб­ли­­кадин дережадин турнир кьи­ле фена. Ам райадминистрациядин­ спортдин, туризмдин ва жегьилрин крарин­ рекьяй комитетди тешкилнавай­ди тир­.

Кьулан СтIалрин хуьруьн спортдин майдандал гзаф тамашачийрин ва мугьманрин иштираквал аваз кьиле фейи турнирда чи респуб­ликадин шегьеррай ва районрай атанвай спортдин ветеранрин командайри иштиракна. Нетижада кьиляй-кьилиз устаддаказ къугъвай Избербаш шегьердин командади 1-чка кьу­на. Махачкъаладин команда — 2 ва Кьурагь райондин команда 3-чкайриз лайихлу хьана.

Турнир агалунин ва кIвен­кIве­чи чкаяр кьур командайрив шабагьар вахкунин мярекатда райондин кьил С.Темирханова, райадминистрациядин спорткомитетдин директор Ч.Абдулмежидова, хуьруьн майишатдин ва суьрсетдин­ уп­равленидин начальник Къ.Къа­зиагь­ме­до­ва, РУО-дин начальникдин заместитель А.Хан­­вердиева, полициядин подполковник Къ.Куьре­бегова, Герейханован АСП-дин кьил Р.Алдырова иштиракна. Кьилдин пишкешриз турнирда тафаватлу хьайи са шумуд футболистни лайихлу хьана.

Саид Темирханова республикадин дережадиз акъатнавай турнирдихъ авай важиблувал къейдна, Роберт Къазиагьмедован экуь къамат рикIел хкана, турнирдин тешкилатчидиз ва иштиракчийриз чухсагъул лагьана.

Хазран Кьасумов