Гьуьрметлу газет кIелзавайбур!

Дагъустанда республикадин юзуриз тежер мал-мулкунин Сад тир государстводин реестрда гьатнавай дараматрин, эцигна акьалтIар тавунвай объектрин ва маса имаратрин кадастровый къимет тайинарун патал серенжемар кьиле тухвана куьтягьнава.

«Дагтехкадастр» ГБУ-ди и жигьетдай кьиле тухванвай кIва­лахрин нетижайриз талукь гьахъ-гьисабдин проект гьазурнава. Ам Росреестрдин сайтда, государстводин кадастровый къиметрихъ галаз алакъалу делилрин фондуна ва «Дагтехкадастр­дин» сайтда «Государстводин кадастровый къимет» разделдин «Гьахъ-гьисабдин проект» подразделда чапнава.

Алай вахтунда када­ст­ровый къимет та­йи­нар­дайла кьиле­ тух­вай серенжемриз талукь къейдер, тек­лифар кIватIзава. Абур квевай я «Дагтехкадастрдиз», я МФЦ-диз агакьариз жеда. Эгер квехъ и идарайриз фидай мум­кинвал авачтIа, и кар почтадин алакъадин ва я интернетдин (мисал яз, «Госуслуги» порталдин) куьмекдалди кьилиз акъудиз жеда.

Рекье твазвай къейдерихъ, тек­лифрихъ галаз санал кадаст­ровый къимет тайинардайла ачухнавай гъалатIар тестикьарзавай документарни (техпаспорт, ЕГРН-дин выпискаяр, справкаяр, кирида кьунин икьрарар ва масабур) агакьарун лазим я.

Къейдер, теклифар гьазурдай къайдадикай гегьенш малуматар «Дагтехкадастрдин» сайтда «Государстводин кадастровый къимет» разделдин «Гьахъ-гьисабдин проект» подразделда чапнава.

ГьакIни квевай макъа­лада ихтилат фенвай ­месэ­лайриз талукь малуматар агъа­дихъ гузвай QR-кодрин куьмекдалди жагъу­риз ­жеда.

Чи мухбир