Къизлярдин полициядин дежурный частуниз 48 йисан яшда авай дишегьлиди вич лутуди алцурарай агьвалатдикай хабар гана. Идакай РД-дин МВД-дин пресс-къуллугъди хабар гузва. Адан гафаралди, куьчеда адан патав малум тушир итим атана, мукьвара вичин хцин хайи югъ я лагьана, вичиз телефон маса гун патал дишегьли чIалал гъана. Гьакъи вахт-вахтунда, тIимил-тIимил вахкудай икьрардал атана.
Темягь фейи мобильник маса къачур «муьштери» мад алакъадал эхкъечIнач. Телефон гайи дишегьлидиз 14 агъзур манатдин зарар хьана.
Полициядин къуллугъчийри лутувиляй шак фенвай 26 йисан яшда авай жегьил тайинарна ва ам отделдиз хкана. Ада вичи авур кар хиве кьуна. Жегьилдин гафаралди, чуьнуьхай телефон ада тийижир касдиз маса гана, къачур пул лагьайтIа, хсуси игьтияжриз харжна.
И делилдай суд-дуван авун патал материал кIватIнава.
«Лезги газет»
