И йикъара «Хатасуз ва ерилу рекьер» милли проектдин сергьятра аваз СтIал Сулейманан районда «Мамрач-Ташкапур-Аракандин муьгъ» рекьин 7 км участокда ремонтдин кIвалахар кьиле тухвана акьалтIарнава. Идакай чаз РД-дин транспортдин ва рекьерин майишатдин пресс-къуллугъди хабар гана.
Ремонтдин кIвалахар кьилиз акъуддайла (рекье къиредикайни бетондикай ибарат къаришма цунилай гъейри, яд къерехдиз алуддай къурулушни ремонтна ва михьна), рекьин къерехар, патарив гвай лекъвер ва синер авай чкаярни гуьнгуьниз хкуниз кьилин фикир гана. ИкI, са кьадар мензилда ракьукай жугъунар туькIуьрнава, рекьера (горизонтальная дорожная разметка) лишанар цIийи хъувунва, элячIдай чкаярни къалурнава.
Къейд авун лазим я хьи, рекьерин пешекарри, винидихъ тIвар кьунвай объектдин сергьятра аваз, муьгъни ремонтна, Сардархуьре 800 метрдив агакьна яргъивал алай тротуарни къайдадиз гъана.
Регина Семедова
