«Лезги газетдин» алай йисан 33-нумрада чапнавай «Лишанлу кар» макъалада, малумат редакциядив агакьарай касдин – шаир Максим Алимован гъалатI себеб яз, мукьвара Махачкъалада чапдай акъатнавай урус чIаланни лезги чIалан гафарган пулсуз «Мавел» ООО-дай вахчуз жеда лагьана къейднава.

Чапханадин директор Мегьамед Магьмудова хабар гайивал, винидихъ тIвар кьунвай макъалада, гьакъикъатдани, гъалатIдиз рехъ ганва: гафарган анжах виликамаз подписка авур ксаривай пулсуз вахчуз жеда. Къейд ийин хьи, гафарган пулдихъ маса гузвач. Эгер тайин са касдиз гафарган герек ятIа, ада, чапханадиз зенг авуна, и кардикай хабар гана кIанда. Чапханадин векилри ихьтин ксарин сиягь туькIуьрзава ва абуруз, тираждикай гафарганар амукьайтIа, бязи шартIаралди гафарганар гуда.

Чапханадин телефондин нумра: 8928-511-31-16

«Лезги газет»