16-июлдиз Докъузпара райондин администрацияда МР-дин кьил Абдурагьим Алискерова нубатдин совещание кьиле тухвана. Ана райондин кьилин заместителри, хуьрерин администрациядин кьилери, райондин идарайринни къурулушрин жавабдар къуллугъчийри иштиракна.

Совещанидал веревирддай месэлаяр малумарайдалай кьулухъ Абдурагьим Алискерова «Ярудагъ-2018» альпинистрин фестиваль кьиле тухунин карда тешкиллувилин кlвалахар тамамарай Салигь Гьажимурадоваз ва фестиваль ачухунин шад мярекатда иштиракай вирибуруз чухсагъул малумарна.

Алай йисан 3-кварталдиз талукь яз налогар кlватlунин патахъай планар тамамарунин ва чилин участокарни дараматар актуализация авунин гьакъиндай райондин кьилин заместитель Абас Абасова ва экономикадин отделдин начальникдин заместитель Вулудин Мегьамедханова ихтилатна. Тамамар хъувуна кlани кlвалахрин патахъай экономикадин отделдиз райондин кьили са бязи тапшуругъарни гана. Чилерин ва эменнидин рекьяй экономикадин отделдин пешекар Музамедин Межидова малумарайвал, райондин сергьятра чилин участокар инвентаризация авунин кlвалахар куьтягьнава.

Райадминистрациядин совещанийрал са шумудра райондин хуьрера цlаяр кьур дуьшуьшра менфят къачун патал цин гьамбарханаяр кардик кутунин месэлани къарагъарнай. Райондин кьили и кар кьилиз акъудун патал чилин участокар чара авун ин месэла хуьрерин кьилерин хиве тунай. И месэладал кlукl гъун патал талукь ксарал тапшурмишнава.

Райондин УО-дин начальник Гъвейибег Шагьвеледова цlийи кlелунин йисаз аквазвай гьазурвилерикай умуми ихтилатна. Ада къейд авурвал, образованидин вири идараяр паландин бинедаллаз ахтармишзава ва Каракуьрединни Къалажухрин мектебрин дараматар тамамвилелди ремонт авунин «100 мектеб» республикадин проектдик кутунва.

Совещанидин эхирдай райондин кьили РФ-дин президент хкягъунин сечкийра Докъузпара районда активдаказ иштиракайбурув ЦИК-дин председатель Э.А.Памфиловадин патай чухсагъулдин чарар вахкана.

«Лезги газет»