Малум тирвал, Украинада кьиле физвай дяведин махсус серенжемда (СВО) Кьиблепатан Дагъустандин районрайни гзаф кьадар жегьилри иштиракзава. Нацистриз акси женгера абуру, Ватандин ЧIехи дяведа фашистрин винел гъалибвал къачур чIехи бубайрин хтулри, птулри, акьалтIай кьегьалвилер къалурзава. Бязибурун викIегьвилерикай чна газетдин виликан нумрайра макъалаярни гана.
Мукьвара чи ватанэгьлияр нубатдин сеферда тафаватлу хьана. Докъузпара райондин Къурушрин хуьряй тир кьве стхади – Давуд ва Эльдар Рамазановри – махсус серенжемда, инженерный кьушунрик кваз, гуьгьуьллудаказ иштиракзава. ВикIегь, рикIе къаст авай, Ватандин вилик хвавилин буржи намуслувилелди кьилиз акъудзавай къурушвийрин кьегьалвилериз мукьвара лайихлу къимет гана. РФ-дин оборонадин министерстводин патай абур кьведни «Маршал Шестопалован» медалриз лайихлу хьана.
Чи мурад дяведин гьерекатар фад акьалтIун, рухваяр, уьмуьрдин юлдашар, бубаяр сагъ-саламатдиз кIвалериз хтун я. Стхаяр-аскерар тир Рамазановар хьтин Ватандиз вафалу веледар чIехи авунвай вири диде-бубайриз аферин!
Агьмед Магьмудов
