И мукьвара Краснодардин крайдин Лермонтово хуьре какахьай женгерин бягьсерай дуьньядин Кубок патал кьиле фейи акъажунра СтIал Сулейманан райондин жаван спортсменри виниз тир нетижаяр къазанмишна.
Райондин спортдин, туризмдин ва жегьилрин крарин рекьяй Комитетди хкягъай ДЮСШ-дин спортсменри къизилдин – 4 ва гимишдин са медаль къазанмишна. ИкI, тренерар тир Абдурагьманован ва Бабаеван гъилик вердишвилер къачузвай Селим Шихнебиева, Сулейман Къадиева, Амрид Эседова ва Имам Юсупова чпихъ галаз бягьсериз экъечIай вири спортсменрин винел инанмишвилелди гъалибвал къачуна. Саид Шихнебиева 2 — чка кьуна.
Са шакни алачиз, им спортсменрин чпин ва гьакIни абурун тренеррин умуми гъалибвал, чIехи агалкьун я.
Исмаил Къурбанов
