11-июндиз Мегьарамдхуьруьн райондин Ярагъ-Къазмайрин хуьре Къуръандин гьафизрин арада республикадин дережада аваз кьиле тухвай конкурсда кIвенкIвечи чкаяр кьурбур тебрикуниз талукьарнавай мярекат кьиле фена.
Шад жедай кар ам я хьи, конкурсда 1-чка Ярагъ Мегьамедан сихилдай тир Гьасан Гьамидова кьуна. Мярекатдин сергьятра аваз адав тешкилатчийри лезги жемиятдин тIварцIихъай цIийи машиндин («Гранта» маркадин) куьлегар вахкана. Идалай гъейри, Мегьарамдхуьруьн райондин кьил Фарид Агьмедова гъалибчидиз кIвалер эцигун патал, савкьат яз, Мегьарамдхуьре чил чара авуна.
Къейд ийин хьи, конкурсда кIвенкIвечи чкаяр кьур 5 касдиз умрадиз фидай путевкаяр гана.
Чи мухбир
