Квез чидани?
. Девекъуш дуьньяда виридалайни еке къуш я. ЧIехи девекъушдин заланвал 150 килограммдив кьван агакьун мумкин я, кьакьанвал – саки 3 метрдив.
. 20-асирдалди вагьши девекъушар Африкада, Азияда ва Аравийский полуостровда авай. Исятда абур анжах Африкадин къумлух чкайра яшамиш жезва.
. Девекъушрин жуьреяр са акьван гзаф авач. Африкадинни Бразилиядин девекъушар тафаватлу жезва.
. Адет яз, и къушар хизанралди яшамиш жеда.
. Африкадин девекъушар 45-50 йисуз кьван (бязи дуьшуьшра – 60 йисал кьван) яшамиш жезва. И девекъуш аксивал къалурдай, хъел къведай жуьре я. Иллаки шарагар акъадардай вахтунда ада еке аксивал къалурда.
. Девекъушрин хам мягькемди я ва адакай промышленностда менфят къачузва.
. Девекъушдин якIук пи, холестерин тIимил ква, кальций ва ракь – гзаф.
. Девекъуш лув гуз тежезвай, виридалайни еке къуш я.
. КIвачерни гардан яргъи тирвиляй девекъушар санлай гзаф кьакьан къушар яз машгьур я. Кьакьанвал себеб яз абуруз мумкин тир хаталувал фад аквазва. Асул гьисабдай и къушари душманрикай хуьн патал катуникай хийир къачузва. Девекъушар кьун са акьван регьят туштIани, вагьши гьайванри абурун какаяр, шарагар незвай дуьшуьшар тIимил жезвач.
. Девекъушар зегьемдиз дурум гуз жедай къушар я.
. Девекъушдилай са сятда 92 километрдиз чукуриз алакьнава. Им девекъушрихъ галаз алакъалу тир рекорд я.
. Девекъушри векьни неда, къушарни, гьашаратарни, жуьреба-жуьре кьиферни, чурчуларни.
«ЛГ»
