Кьурагь райондин Ашарин хуьре кIелдай 120 чкадин цIийи мектеб эцигиз гатIуннава. Идакай райондин администрациядин пресс-къуллугъди хабар гузва.
Къейд ийин хьи, образованидин цIийи объект РФ-дин государстводин «Развитие образования» программадин сергьятра аваз эцигзава. Пудратчи карханадин везифаяр «Дагсвязьинвест» ООО-ди тамамарзава.
ЦIийи мектебдин дарамат кьве корпусдикай ибарат жеда. Ана гьакIни спортдин зал, кинотеатр ва волейбол къугъвадай кьилдин майдан кардик кутадайвал я. Чешмеди хабар гузвайвал, эцигунин кIвалахар алай йисан 1-сентябрдиз акьалтIардайвал я.
Чи мухбир
