Дагъустандин Яшайишдин фондунин пенсияр тайинардай управленидин регьбер Патимат Абдурагьмановади гъавурдик кутурвал, 5 ва адалай виниз аялар хайи дишегьлияр, гьа виликдай хьиз, гилани пенсиядиз 50 йис тамам хьайила экъечIзава.

Алай вахтунда Дагъустанда ахьтин 634 диде ава. Саки 900 дишегьли, чпихъ 4 аял аваз, 56 йис тамам хьайила, пенсиядиз экъечIнава. Амма чи республикада виридалайни гзаф гьалтзавай категория 3 аял авай дидеяр я. Абур 57 йис тамам хьайила, пенсиядиз экъечIзава. Амма ихьтин дидеяр патал мажбури истемишунар ава:

• 15 йис страховой стаж хьун;
• пенсиядин лазим кьадар коэффициентар хьун (2021-йисуз — 21);
• 8 йисал къведалди яшда авай аялдиз тербия гузваз хьун;
• аялрин гьакъиндай дидевилин ихтияррикай магьрумнаваз, гьакIни аял хвавиле ва рушвиле кьабулун дегишарнаваз (отмена) тахьун.

«Лезги газет»