Алай йисан сифтегьан кьве вацра Дагъустанда шегьеррин арада физвай поездрикай 193 агъзурдалай виниз агьалийри менфят къачунва. Алатай йисан гьа и девирдив гекъигайла, ам 11 процентдин гзаф я. Идакай “Дагъустандин экономика” телеграм-каналди хабар гузва.
Агьалийри виридалайни гзаф Махачкъала-Дербент маршрутдин поезддикай менфят къачузва. ИкI, 2023-йисан эвел кьилелай и маршрутдин поездда аваз 84 агъзур кас фенва.
Мадни са кар: цIи шегьеррин арада физвай поездрин билетар гзафни-гзаф “РЖД Пассажирам” приложенидин куьмекдалди маса къачунва.
Алай вахтунда республикада поездрин Махачкъала — Хасавюрт, Махачкъала — Дербент ва Дербент — Сергьят маршрутра поездрин кIуьд жуьт кардик ква.
Чи мухбир
