Вирироссиядин мектебра кIелза­вай аялрин арада кьиле тухузвай “Месэла гьялиз жедайди я. Ви гьевес — фи­нансист” олимпиададин эхиримжи паюнин нетижайралди  Дагъустандин школьникар  гъалибчийрин арада ава. Идакай РД-дин образованидин ва илимдин министерстводи хабар ­гузва.

Олимпиада агъадихъ галай тарсарай кьиле тухвана: экономика, обществознание, математика, тарих ва ингилис чIал. Ам РФ-дин  илимдинни кьилин образованидин минис­тер­стводи гьазурнавай мектебра кIел­за­вай аялар патал олимпиадайрин сиягьдик акатзава. Гъалиб  ва пишкешриз лайихлу хьайибуруз, вузрик экечIдайла, кьезилвилер, гьакIни  абуруз РФ-дин  Президентдин грант къачудай мумкинвал жеда.

Олимпиадада гъалиб хьайибурун арада Махачкъаладин 52-нумрадин лицейдин 11-классда кIел­завай Муслим Мегьамедов ава. Республикадин физикадинни математикадин Махачкъалада авай  лицей-интернатдин 10-классда кIел­завай  Билал Римиханов пишкешдиз лайихлу хьана.  Министерстводин пресс-къуллугъди къейдзавайвал, Муслим Мегьамедов  гьакIни  Россиядин Президентдин патав гвай РФ-дин халкьдин майишатдин ва государстводин къуллугъдин академиядин мектебра кIелзавай аялар патал  олимпиададин эхиримжи паюнин  нетижайралди “Экономика” ва “Финансрин рекьяй савадлувал” хилерай пишкешриз ла­йихлу хьанва.

Россиядин Президентдин патав гвай РФ-дин халкьдин майишатдин ва государстводин къуллугъдин  акаде­миядин олимпиададин эхиримжи паюна 11 уьлкведай тир 4 агъзурдалай гзаф аялри иштиракна. Мярекатдин тешкилатчи РФ-дин Гьукуматдин патав гвай фи­нансрин университет тир.

Чи мухбир