Милли эдебиятдин “Самур” журналдин 2023-йисан 1-нумра чапдай акъатнава. Ам Дагъустандин халкьдин писатель Абдуселим Исмаилован “Ягь квахьнавай девир” макъаладилай ачух жезва.
Алай йисуз Дагъустандин халкьдин шаир Хуьруьг Тагьир дидедиз хьайидалай инихъ 130 йис, писатель Зияудин Эфендиеван 120 йис тамам жезва. И вакъиайрихъ галаз алакъалу яз шаирдин шиирар ва писателдин “Муьгьуьббатдин цIелхем” гьикая ганва.
“Шиират” паюна кIелдайбуруз Руслан Къафланован, Валегь Гьамзатан эсерар теклифзава. “Гьикаят” паюна писатель Нариман Ибрагьимован “Тапаррин къармахра” романдин эхиримжи “Буьркьуь азадвал” кьил, писателар тир Гьажи Ильясован куьруь гьикаяяр, Фейруз Беделахтулан кьисаяр ганва.
“Сатира ва юмор” паюнай Байрам Салимован, хъартасви Шагьвеледан эсерар ва гьакI къаравилияр кIелиз жеда. Журналист, муаллим Куругъли Ферзалиева вичин макъала алай аямдин лезги чIала гьалтзавай аббревиатурайриз бахшнава.
Абад Азадов
