Пайгъамбарди лагьана: “Зарафат ийидайла табзавай ва вич гьахъ яз хьайитIани, гьуьжетуникай кьил къакъуд тийизвай лукIран иман тамамди жедач”.
“Эгер гьуьжетзавай, вичин гафунал кIевивалзавай, хсуси зендини ашкъи кутазвай инсан акуртIа, чир хьухь, адаз вичикай еке зиян хкатда”, — лагьанай Билял бин Сада.
Ибн Абу Ляйляди лагьана: “За жуван дустунихъ галаз гьуьжетдач, вучиз лагьайтIа и кар авуналди за, я адан гафар инкарда, я ам ажугълу ийида”.
Имам аль Гъазалидин ктабдай.
Аллагьдихъ ва Къияматдин йикъахъ агъазвайди я кисрай, я хъсан гаф лугьурай.
Ни вич гьахъ яз гьуьжетуникай кьил къакъуднатIа, адаз женнетда виридалайни кьакьан чкада кIвал эцигда; гьахъ тушиз кьил къакъудайдаз — женнетдин къерехрив гвай чкада.
Жуван стхадихъ галаз гьуьжетмир, адакай зарафатар мийир, я кьилиз акъудиз тежедай карни хиве кьамир.
Гзаф рахадайди мукьвал-мукьвал гъалатI жеда; мукьвал-мукьвал гъалатI жезвайдан гунагьар пара я; гзаф гунагьар квайдаз цIай кьисмет жеда.
Халикьди вичин мез хуьзвайдан нукьсанар чуьнуьхзава, ажугъ хуьзвайдаз жаза гузвач ва Вичивай тIалабзавайдан арзаяр кьабулзава.
Гишиндаз тIуьн це, цихъ къанихдаз — яд; хъсанвал ийиз алахъ, писвилихъай кат; хъсан, къени гафарилай гъейри, масабур сивяй акъудмир.
Пайгъамбардин гьадисрай
Гьазурайди — Агьмед Магьмудов
