Украинада кьиле физвай махсус серенжемда Ахцегь райондай тахминан 500-дав агакьна агьалийри иштиракзава. Абурукай сад жергедин аскер Гьажимет Балабегович Гьажиметов я.
Гь.Гьажиметов 1975-йисуз Ахцегьа зегьметкеш хизанда дидедиз хьана. 2022-йисан августдиз хушуналди Украинада кьиле физвай махсус серенжемда иштиракиз фена. Алай вахтунда чи викIегь ватанэгьлиди Запорожьедин областда нацистрихъ галаз женг чIугвазва.
Гьажимет Гьажиметов идалай виликни дявейра хьана. Кьилди къачуртIа, ада 1999-йисан август-сентябрдиз Къарамахи, Чабанмахи хуьрера кьиле фейи вакъиайра, Чечнядин дяведа жуьрэтлувилелди иштиракна. Женгера къалурай викIегьвилерай адаз са жерге шабагьарни ганва. Чна Ватан хуьн итимвилин буржи я лугьузвай викIегь хва гъалибвал гваз, сагъ-саламатдиз ва хурудал женгинин орденарни медалар алаз хайи хуьруьз хтун вилив хуьзва.
Дашдемир Шерифалиев
