Ахцегь райондай икьрардалди ва мобилизация авуна къуллугъзавай цIудралди кьегьалри Донбассдин шегьерар ва хуьрер Украинадин миллетбазрикай азад авунин, чи зурба уьлкведин сергьятар ва итижар хуьнин важиблу кардик, женгера гъалибвал къазанмишуник чпин виле акьадай хьтин пай кутазва.
Миллетбазрихъ галаз кьиле физвай женгера “Жуьрэтлувиляй” ордендалди къейд авунвай Асаев Эрзиман масадбурузни чешне яз къалуриз жеда. Уьтквемвал, дирибашвал къалурунай Суворован медалдиз лайихлу хьанвай Бейдуллагь Эскендарова командиррин тапшуругъар галай-галайвал кьилиз акъудзава. Суворован медалдин сагьиб Ренат Забитова миллетбазрихъ галаз кьиле физвай женгера кьетIен викIегьвилер къалурзава. Роман Гамзаев Жукован медалдиз лайихлу хьанва. ВикIегь аскерди женгинин тапшуругъар жуьрэтлувилелди кьилиз акъудзава.
Владислав Сефербеговаз Жукован медаль кьетIендиз тафаватлу хьайила гана. Махсус серенжемда ада 2022-йисан февралдилай иштиракзава. В.Сефербегов “Жуьрэтлувиляй” ордендин сагьибни я.
“Дирибашвиляй” медалдиз лайихлу хьанвай Заур Эфендиева, Донбассдин шегьерар ва хуьрер миллетбазрикай азаддайла, кьетIен викIегьвал къалурна.
Четин шартIара Украинадин неонацистрихъ галаз женг чIугвазвай вири аскерриз ва командирриз чна сагърай лугьузва. Чи вил абур гъалиб хьана хтунал ала.
Чи мухбир
