6-февралдиз РФ-дин Президент Владимир Путина Россиядин виридалайни хъсан муаллимриз педагогикадин рекье хьанвай агалкьунрай гузвай премийрин кьадар гзафарунин гьакъиндай къарардал къул чIугуна. Талукь тир документ ихтияррин гьакъиндай делилрин официальный интернет-порталда (publication.pravo.gov.ru) чапнава. Премийрин санлай къачур кьадар 1000-далай 1200-дал кьван гзаф жеда. И рекьиз такьатар федеральный бюджетдин гьисабдай чара ийида.
Премияр къачун патал конкурсдин иштиракчияр жедай ихтияр Россиядин вири регионрай тир, мектебра пуд йисалай тIимил тушир вахтунда кIвалахзавай ва гьафтеда 18 сятдилай тIимил тушиз гвай муаллимриз ава. Гъалиб хьайибуруз премия Муаллимдин йикъан вилик гузва ва адан кьадар 200 агъзур манатдиз барабар я.
«Лезги газет»
