Кадастрдин учет — им юзан тийидай объектдикай ЕГРН-дик малуматар кутун лагьай чIал я. Эгер объект кадастрдин учетда эцигнавачтIа, юридический манада ам авачирди яз гьисабзава.
Объект кадастрдин учетда эцигун адан сагьиб жув тирди ва адан патахъай ихтияр тестикьарзавай документ туькIуьрун патал герек я.
Кадастрдин учетда эцигун патал МФЦ-дин идарадиз къанунди истемишзавай документар къалурун ча-расуз я. КIвалин кадастрдин учетдин патахъай технический план гьазурун патал кадастрдин инженердин патав фена кIанда. Документар фикирда кьуна, инженерди объект ЕГРН-дик малуматар кутун патал документ гьазурзавай объект яни, тушни, гьам тайинарда.
Гуьгъуьнлай сагьибди, талукь документарни гилигна, государстводин кадастрдин учетдин гьакъиндай арза вугуда. Кадастрдин учет тухунин нетижада юзан тийидай гьар са объектдиз кадастрдин нумра гузва. Кадастрдин учет тухванва лагьана тестикьарзавай документ ЕГРН-дай ганвай выписка я.
Къазанжидикай кьур налогдин пул
Юзан тийидай эменни (чил, кIвал) маса къачунвайбуруз налог яз кьур пул элкъвена вахчун патал герек чарар-цIарар МФЦ-да туькIуьрдай мумкинвал ава. Ихтилат идалай вилик къазанжидилай ганвай налогдикай физва.
МФЦ-дин идарадиз фидайла, ихьтин документар гваз хьун чарасуз я:
— паспорт;
— юзан тийидай объектдин сагьиб тирди тестикьарзавай документ;
— маса къачунин-гунин икьрар;
— гъилевай йисан къазанжидин гьакъиндай справка.
Гьазурайди – К.Ферзалиев
