РФ-дин гьукуматди 2023-йисуз уьлкведин вузриз тайин макьсаддалди кьабулунин (целевое обучение) квотайрин кьадар тайинарнава, хабар гузва министррин кабинетдин сайтди.
“Алукьзавай кIелунин йисуз медицинадин хилен пешекарвилерай чIехи пай бюджетдин чкаяр тайин макьсаддалди кIелзавайбур патал жеда. Кьилди къачуртIа, “Сагъарунин кIвалах” ва “Педиатрия” пешейрай абурун кьадар (специалитет) 75 процентдиз барабар жеда, ординатурадин еке игьтияж авай хилерай лагьайтIа — 100 процентдиз. Ихьтин хилерин арада “анестезиология”, “акушерство ва гинекология”, “радиология”, “рентгенология”, “аялрин онкология”, “аялрин эндокринология”, “кардиология”, “неврология”, “оториноларингология”, “офтальмология”, “пульмонология”, “здравоохранение тешкилун ва жемиятдин сагъламвал”, “бактериология”, “инфекционный азарар”, “медицинадин тади куьмек” ава.
Идалайни гъейри, гзаф кьадар квотаяр “радиоэлектронный системаяр ва комплексар”, “ракьун рекьер ишлемишун”, “поездрин гьерекат таъминарунин система” хилерай фикирда кьунва. Бюджетдин гьисабдай яз тайин макьсаддалди кIелун патал чара ийизвай чкайрин кьадар и хилера 70 процентдиз барабар жеда. ГьакIни хейлин чкаяр “ракьун рекьер, муькъвер ва транспортдин тоннелар эцигун”, “ракетайрин ва авиациядин двигателрин проектар туькIуьрун”, “самолетар ва вертолётар туькIуьрун” хилериз чара авунва.
“Яшайишдин жигьетдай важиблу хилер, гьакIни и ва я маса регионрин ва жемиятдин аваданвал патал важиблу тешкилатар пешекар кадрийралди таъминарун патал образованидин гьакъиндай законодательстводи тайин макьсаддалди чирвилер гунин механизм фикирда кьунва”, — къейдзава пресс-къуллугъди, вузар акьалтIарай студентар-бюджетникар 5 йисан вахтуналди кIвалахдай чкадал рекье тунин къайда гуьнгуьна хтунин теклифдиз талукь баянар гудайла.
Бакалавриатда “яшайишдинни культурадин кIвалахар”, “театрламишнавай тамашайрин ва суваррин режиссура”, “библиотекайринни информациядин кIвалахар”, “музыкадинни алатрин искусство” пешекарвилерай бюджетдин гьисабдай тир чкайрин са пай целевикрив вугуда.
Аспирантурада авай илимдин пешекарвилерикай рахайтIа, абуруз талукь бюджетдин тайин макьсаддалди кьабулунин чкайрин кьадар 33 процентдиз барабар жеда. Гьар йисуз уьлкведин регионри рекье твазвай арзайрин бинедаллаз, Гьукуматди гьар са рекьяй тайин макьсаддалди кьабулзавай студентрин кьадар тайинарзава. Ихьтин студентар вузриз гележегда абур кIвалахдалди таъминардайбуру рекье твазва ва абуру пулсуздаказ кIелзава. Вуз акьалтIарайдалай кьулухъ цIийи пешекарри чеб рекье тур тешкилатда 3 йисалай тIимил тушиз кIвалахун чарасуз я.
«Лезги газет»
