***
Вад йиса авай Мадина чIехи дидедин патав мугьманвиле фена. Руша гьаятда кьилди къугъун кьетIна. Садлагьана ам кIвализ кат хъувуна:
— Диде! Диде! Са кицIи зун подъезддай ахъайзавач!
— КичIе жемир, чан руш, ам Белка я!
— Белка я? Бес адан тIиш кицIинди я эхир.
***
Нисинихъ нагьар ийидайла, 4-йиса авай ФатIимади столдихъ вичин рахунарзава. Бубади адаз туьгьметзава:
— Недайла, зун бишини я, лални!
ФатIимади, адаз килигна, “Зун нормальниди я!” лагьана жаваб гана.
***
Мустафадин 6-йис я. Адан тербиячиди чи уьлкведа тек-туьк дуьшуьш жедай гьайванар гьибур я лагьана суал гана.
— Кьуьгъуьрар! — жаваб гана гадади.
— Вучиз?
— Заз абур тек-бир аквазва.
***
Дидеди лагьана: — Сара хала, ваннаяр кьабулиз, кьве гьафтеда курортдиз физва.
— Ам акьван кьацIайди вучиз я, гьакьван яргъалди чуьхуьнар ийиз физ? — хабар кьуна гъвечIи Мустафади.
***
Вад йис хьанвай Рамиза чIехи дидедиз минетзава:
— Диде, заз еке далдам кIанзава. Къачу ман!
— Рамизчик, ада пис къати ван ийида. А ванци кIвалахзавай ви бубадиз мешатда, хва.
— За гаф гузва, диде, мешатдач. Зун буба ксудалди акъвазда, ахпа далдам ягъиз эгечIда.
Эдуард Багъишев,
Дагъустандин халкьдин артист
